حوار بين اتنين طرش

[size=24][/sizeاسمعوا احلى حوار بين اتنين ستات طرش
يعنى لادى سامعه دى ولا التانيه سامعاها



س- الأوتوبيس ده رايح مصر الجديدة ؟؟
ص- إيه ؟ على الحديدة ؟؟ ليه إنتى طالبه إحسان ؟؟
س- بذرة الكتان ؟تلاقيها عند العطار
ص- الجزار ! إنتى عاوزه لحمة ؟؟
س- زحمة ؟! معلش أصل ده معاد خروج الموظفين
ص- نور الدين ؟! معرفوش
س- متشربوش ؟؟ ليه كفا الله الشر
ص- راس البر ! دا مصيف هادى
س- المعادى ؟؟ دى ضاحية جميلة
ص- بليلة !!! إنتى جعانه
س- عيانه ؟؟ متروحى للدكتور
ص- حنطور ؟! دى مواصلة جميلة توصلك لحاد الباب
س- هباب !!! و أنا إلى كنت فاكراك محترم
ص- إتخرم ؟؟ هو مين ؟؟
س- أسبرين ؟؟ ليه إنتى عندك صداع ؟؟
ص- قراع ؟ دا مرض خطير
س- فطير ؟؟ده تقيل على المعدة و تمنه غالى
ص- خالى ؟؟ إنتى تعرفيه ؟؟ دا كبير فى السن
س- جن ؟!!إنتى راكبك عفريت !!!!
ص- كبريت ؟ عاوزه تولعى ؟؟
س- أتدلع ؟؟؟؟!ليه مفيش حد غيرك أتدلع عليه
.... فمر بيهم راجل شرطة لقاهم بيتخانقوا فصاح فيهم بأعلى صوته : واقفين هنا بتعملوا إيه
قالولوا : مستنيين الإوتوبيس
فقالهم : يانهاركم إسود .... جواسيس ؟؟ طب تعالوا معايا على القسم !!!!!

الحوار جميل اوى اوى